Ադմինիստրատիվ օգնական

Նկարագրություն

Մեդիա նախաձեռնությունների կենտրոնը (նախկինում՝ Ինտերնյուս մամուլի աջակցության ՀԿ) փնտրում է փորձառու ադմինիստրատիվ օգնականի՝ գրասենյակի բնականոն և արդյունավետ գործունեությունը ապահովելու համար։ Օգնականը աշխատելու է տեխնիկական և անվտանգության բաժնի ղեկավարի հսկողության ներքո, օգնելու է կազմակերպության աշխատակիցներին գործավարական և նյութատեխնիկական խնդիրների կատարման հարցում։

Պարտականություններ

• Ընդունարանի աշխատանքի կառավարում՝ այցելուների դիմավորում և ուղղորդում, հյուրընկալության ապահովում
• Մուտքային զանգերի ընդունում և վերահասցեավորում
• Պատասխանատու է մուտքային ու ելքային նամակագրության և աշխատակիցներին դրանք պատշաճ բաշխելու համար.
• Ընդհանուր վարչական աջակցության տրամադրում, ներառյալ սկանավորում և պատճենում
• Ձեռնարկել բոլոր լոգիստիկ միջոցառումները, որոնք անհրաժեշտ են միջոցառումների պլանավորման և իրականացման համար, ներառյալ՝ կապ հաստատել միջոցառումների մենեջմենթով և սննդի կազմակերպմամբ զբաղվող ընկերությունների հետ, աջակցել այդ ծառայությունների ձեռքբերման գնումների գործընթացին
• Կազմակերպության աշխատակիցների և հյուրերի ճամփորդությունների և կացարանների կազմակերպում
• Գրասենյակի գործունեության առցանց օրացույցի կառավարում, որը ներառում է նաև փոխադրումները
• Կոնտակտային ցուցակների պահպանում
• Կազմակերպության գրադարանի պահպանում
• Պատասխանատվություն գրասենյակային տարածքի, պարագաների և սարքավորումների համար
• Ֆայլերի պահպանում և արխիվացում
• Քարտուղարական և գործավարության այլ պարտականությունների ճշգրիտ, բարձր որակով, ժամանակին կատարում:

Պահանջներ

• Բարձրագույն կրթություն հասարակագիտության և հարակից ոլորտներում
• Առնվազն 2 տարվա ադմինիստրատիվ օգնականի փորձ
• Հայերեն և անգլերեն լեզուների վարժ տիրապետում, ռուսերենի լավ իմացություն
• Կազմակերպչական և հաղորդակցության գերազանց հմտություններ՝ բանավոր և գրավոր
• Հաճախորդների սպասարկման բացառիկ հմտություններ՝ հեռախոսով և անձամբ
• Կարգապահություն, ֆիքսված ժամերի ընթացքում աշխատելու պատրաստակամություն
• Համակարգչային գերազանց հմտություններ, գրասենյակային կառավարման համակարգերի և ընթացակարգերի իմացություն
• Քաղաքացիական հասարակության և միջազգային կազմակերպությունների հետ աշխատելու փորձը առավելություն է:

Հավելյալ նշումներ

Երկուշաբթի - ուրբաթ, 9։30-18։30

Company օverview

Address

Արշակունյաց 3, Երևան

Մեդիա նախաձեռնությունների կենտրոնն աջակցում է արտահայտման ազատությանն ու լրատվամիջոցների որակի բարելավմանը, նպաստում է մեդիագրագիտության տարածմանը, մասնակցում է մեդիա օրենսդրության բարելավմանն ու լրագրողների իրավունքների պաշտպանության աշխատանքներին: Իր գործունեության քսան տարիների ընթացքում կազմակերպությունն անցկացրել է մոտ 800 դասընթաց մեդիա մենեջմենթի, հեռուստառադիո արտադրության, հետաքննական, մուլտիմեդիա և քաղաքացիական լրագրության, նոր մեդիայի և մեդիագրագիտության թեմաներով՝ կրթելով շուրջ 3500 փորձառու և սկսնակ լրագրողների, քաղաքացիական հասարակության կազմակերպությունների ներկայացուցիչների: ՄՆԿ-ի հեղինակած հեռուստատեսային, ռադիո և ինտերնետային հարուստ արտադրանքն անդրադառնում է մարդու իրավունքների, հակամարտությունների, միգրացիայի, ընտրությունների, ազգային փոքրամասնությունների, գենդերային և այլ թեմաներին:

See more