Մենք նախագծում, ֆինանսավորում և իրականացնում ենք բարձրակարգ ու նորարարական քաղաքաշինական ծրագրեր՝ կերտելով կյանքի նոր որակի ստանդարտներ։ Մեր թիմի փորձագիտական գիտելիքների և հմտությունների շնորհիվ ստեղծում ենք երկարաժամկետ արժեքներ, որոնք ընդգծում են քաղաքի վերափոխման և կայուն զարգացման գաղափարը։ Համադրելով ժամանակակից ապրելակերպի պահանջները և նախագծերի բարձր որակն՝ իրագործման բոլոր փուլերում, մենք նպաստում ենք նորարարական ու ներդաշնակ քաղաքային միջավայրի ձևավորմանը։

2002 թ․-ից՝ մեր հիմնադրումից ի վեր, «Ռենշին» ընկերությունը նշանակալի դեր է ունեցել Հայաստանի անշարժ գույքի շուկայի զարգացման գործում՝ ոլորտում բերելով թարմություն, նոր մոտեցումներ և կայուն աճ։

Համաշխարհային չափանիշներին հավատարիմ լինելու շնորհիվ մեր նախագծերը շարունակաբար դառնում են առավել գրավիչ՝ դրական ազդեցություն ունենալով Հայաստանի տնտեսության ընդհանուր զարգացման վրա։ Գործունեության տարիներին «Ռենշին»-ը կայուն և տարբերվող տեղ է զբաղեցրել անշարժ գույքի ոլորտում՝ արժանանալով վստահության և ճանաչման։

Միջազգային հեղինակավոր ընկերությունների հետ արդյունավետ համագործակցությունն ու փորձառու մասնագետների համախմբումը մեզ հնարավորություն են տալիս մշտապես սահմանել նորարարության վրա հիմնված բարձր չափանիշներ։