«Արմենիան Լիզինգ Քամփնի» ՈՒՎԿ ՓԲԸ-ն մասնագիտացված լիզինգային ընկերություն է, որը բիզնեսներին և ֆիզիկական անձանց առաջարկում է ճկուն ֆինանսական լուծումներ՝ աջակցելով նրանց գաղափարների, ներդրումային ծրագրերի և զարգացման նախաձեռնությունների իրականացմանը։

Ընկերությունը, համագործակցելով տեղական և միջազգային գործընկերների հետ, ֆինանսավորում է տրանսպորտային միջոցների, սարքավորումների, գյուղատնտեսական տեխնիկայի, էներգաարդյունավետ լուծումների և այլ հիմնական միջոցների ձեռքբերումը։

Արմլիզինգում ձևավորվել է նախաձեռնողական, համագործակցային և զարգացմանը միտված աշխատանքային միջավայր, որտեղ յուրաքանչյուր աշխատակից կարող է առաջարկել նոր գաղափարներ, զարգացնել մասնագիտական կարողությունները և մասնակցել ընկերության նոր պրոդուկտների ու նախագծերի ստեղծմանը։

Ընկերությունը կարևորում է պրոֆեսիոնալիզմը, պատասխանատվությունը, նորարար մտածելակերպը և թիմային աշխատանքը՝ նպաստելով Հայաստանի լիզինգային շուկայի զարգացմանը։

«Արմենիան Լիզինգ Քամփնի» ՈՒՎԿ ՓԲԸ-ի կորպորատիվ մշակույթը հիմնված է հետևյալ արժեքների վրա՝ հաճախորդամետ քաղաքականություն, պրոֆեսիոնալիզմ, հաշվետվողականություն, լոյալություն, հոգատարություն, կարգապահություն, ազնվություն, վստահություն, արժեհամակարգայնություն և նախաձեռնողականություն։

Այս արժեքներն ուղղորդում են ընկերության ամենօրյա գործունեությունը, թիմային հարաբերությունները և հաճախորդների ու գործընկերների հետ համագործակցությունը։