Աշխատանքային շուկան վերջին տարիներին փոխվում է ավելի արագ, քան երբևէ։ Նոր մասնագիտություններ են առաջանում, հին մասնագիտությունները վերաձևակերպվում են, իսկ աշխատակիցներն ու գործատուները փորձում են հարմարվել նոր իրականությանը։ Այս մեծ տեղեկատվական աղմուկի մեջ երբեմն դժվար է գտնել ամենակարևոր հարցերի պատասխանները։ Job.am-ի նախաձեռնությամբ մեկնարկել է պոդքասթների նոր շարք, որի շրջանակներում անդարդառնում ենք աշխատաշուկայի վերաբերյալ ամենաարդիական հարցերին, լսելի ենք դարձնում ոլորտի փորձառու մասնագետների կարծիքները և տալիս ենք խորհուրդներ, որոնք կուղղորդեն ինչպես աշխատանք փնտրողներին, այնպես էլ գործատուներին։

Ձեզ սպասվում են պարզ ու անմիջական զրույցներ, որոնց ընթացքում կբարձրաձայնենք խնդիրների մասին և դրանց լուծումների ուղիներ կառաջարկենք, կանդրադառնանք ինչպես հայաստանյան, այնպես էլ միջազգային աշխատաշուկայի զարգացման միտումներին և պահանջներին։

JobCast-ում մենք կանդրադառնանք նաև այն հարցերին, որոնք առավել կարևոր են աշխատանքի դիմողների համար՝ ինչպես արդյունավետ որոնել համապատասխան հաստիքներ, ինչպես կազմել ռեզյումե, ինչ քայլեր պետք է կատարել դիմելուց հետո, ինչպես պատրաստվել հարցազրույցներին՝ տեխնիկական մանրամասներից մինչև վարքագծային հարցեր, ինչպես ճիշտ գնահատել աշխատանքի առաջարկը և բանակցել աշխատանքային պայմանների շուրջ։

Լինելով ոլորտում փորձառու մասնագետներ՝ մեր հյուրերը ներկայացնում են գործնական խորհուրդներ, օրինակներ և ռազմավարություններ, որոնք կօգնեն աշխատանքի դիմողներին վստահ անցնել ողջ գործընթացը։ 

JobCast-ը մասնագիտական երկխոսություն է լսարանի հետ։ Հետևեք մեզ սոցիալական ցանցներում և կիսվեք ձեզ հետաքրքրող հացրերով, և մենք անպայման կանդրադառնանք դրանց մեր փոդքասթների ընթացքում։ Բաժանորդագրվեք մեր յութուբյան ալիքին՝ բաց չթողնելու համար հերթական փոդքասթը։

Ժամանակակից աշխատաշուկան պահանջում է տեղեկացվածություն, հարմարվողականություն և շարունակական ուսուցում։ JobCast-ը կօգնի ձեզ այս հարցում՝ պարզ պատասխանելով բարդ հարցերին և կիսվելով իրական փորձով։