Գնումների մասնագետ
«Յունիքիմ» ՍՊԸ
Վերջնաժամկետ`
Նկարագրություն
Յունիքիմ ՍՊԸ-ն, հանդիսանալով քիմիական և հարակից ապրանքների ներմուծման և մատակարարման ոլորտում զարգացող ընկերություն, ընդլայնում է իր թիմը և փնտրում է կազմակերպված ու պատասխանատու մասնագետ՝ միանալու մեր թիմին։
Նպատակը
Ապահովել գնումների, բեռնափոխադրումների , մաքսային ձևակերպումների , անհրաժեշտ թույլտվությունների ձեռք բերումը և գործառնական որոշ գործընթացների արդյունավետ կոորդինացիան ։
Պարտականություններ
- Կազմակերպել և կառավարել գնումների ամբողջական գործընթացը՝ ապահովելով մատակարարների հետ բանակցություններ՝ գին-ժամկետ-որակ օպտիմալ համադրությամբ, ռիսկերի վերահսկում և գնահատում
- Մատակարարների հետ կառուցել երկարաժամկետ, կայուն և փոխշահավետ գործընկերային հարաբերություններ։
- Ապահովել և վերահսկել ամբողջ փաստաթղթաշրջանառության կառավարումը՝ ներառյալ պատվերների ստացումը վաճառքի բաժնից, դրանց գնման օպերատիվ կազմակերպումը, ուղեկցող փաստաթղթերի և անհրաժեշտ թույլտվությունների ժամանակին ձեռք բերումը ։
- Վերահսկել քիմիական ապրանքների ներմուծման ամբողջ շղթան՝ սկսած պայմանագրերի կնքումից մինչև պահեստավորում և բաշխում։
- Կառավարել ներմուծման բյուջեն՝ ապահովելով ծախսերի օպտիմալացում և ֆինանսական արդյունավետություն
- Իրականացնել ծախսերի հաշվարկ, վերլուծություն և շահութաբերության բարձրացման նպատակով
- Կազմել վերլուծական որոշակի հաշվետվություններ և ապահովել տվյալների համակարգված հավաքագրում
Պահանջներ
- Բարձրագույն կրթություն (նախընտրելի՝ տնտեսագիտություն, լոգիստիկա, մատակարարման շղթայի կառավարում կամ հարակից ոլորտներ)
- Առնվազն 2 տարվա աշխատանքային փորձ գնումների, լոգիստիկայի գործընթացների ոլորտում
- Հայերեն, անգլերեն և ռուսերեն լեզուների գերազանց իմացություն (բիզնես մակարդակով)
- MS Office-ի առաջադեմ տիրապետում (հատկապես Excel) և պրոֆեսիոնալ որոնման/հետազոտական հարթակների օգտագործման հմտություն
- Բարձր կազմակերպվածություն, պատասխանատվության զգացում և մանրուքների նկատմամբ բացառիկ ուշադրություն
- Բանակցությունների, հաղորդակցության և հարաբերությունների կառավարման ճկունություն, գործնական հմտություններ
Յունիքիմը հանդիսանում է տարբեր ոլորտների համար նախատեսված քիմիկատների խոշոր ներկրող և մեծածախ մատակարար, ինչպես նաև լվացող և ախտահանող միջոցների արտադրող ընկերություն։ Ընկերությունն ապահովում է հայկական շուկան որակյալ հումքով և արդյունավետ լուծումներով՝ հանդիսանալով բազմաթիվ ընկերությունների համար վստահելի և երկարաժամկետ մատակարար։ Առանձնանում է իր կայուն դիրքով շուկայում՝ որպես Հայաստանում քլորի խոշոր ներկրողներից մեկը՝ ապահովելով այս ռազմավարական նշանակության հումքի անխափան և վստահելի մատակարարում։ Ընկերության գործունեության հիմքում ընկած է արդյունավետ մատակարարման շղթաների խիստ կառավարումը, միջազգային ստուգված գործընկերների հետ երկարաժամկետ համագործակցությունը և որակի խիստ վերահսկումը տարբեր փուլերում։
Ավելի քան 25 տարվա փորձը հնարավորություն է տվել ձևավորել գործընկերների լայն ցանց և երկարաժամկետ համագործակցություններ, որոնք կառուցված են փոխադարձ վստահության, պրոֆեսիոնալ մոտեցման և բարձրակարգ սպասարկման վրա։ Մենք խորությամբ հասկանում ենք յուրաքանչյուր հաճախորդի կարիքները և առաջարկում ենք անհատականացված, նպատակային լուծումներ, որոնք նպաստում են նրանց բիզնեսի կայուն աճին և արտադրական արդյունավետության բարձրացմանը։
Յունիքիմը շարունակում է զարգանալ՝ համադրելով հաարուստ փորձը, նորարարական մոտեցումները և շուկայի պահանջների խորքային ըմբռնումը՝ մնալով վստահելի գործընկեր այն ընկերությունների համար, որոնք առաջնահերթություն են տալիս որակին, կայունությանը և փոխադարձ երկարաժամկետ հաջողությանը։
Ընկերության գործունեության հիմնական բնագավառներն են՝
- Արդյունաբերական քիմիկատների ներկրում
- Լվացող և կոսմետիկ միջոցների համար հումքերի ներկրում
- Ներկերի, սոսինձների, լաքերի և մածիկների ներկրում
- Լվացող, մաքրող և ախտահանող միջոցների արտադրություն
ՀՀ արտադրողին առաջարկում ենք նյութեր և հումքեր Հարավային Կորեայի, Հարավաֆրիկյան Հանրապետության, Գերմանիայի, Սինգապուրի, Իսպանիայի, Նիդեռլանդների, Չինաստանի, Հնդկաստանի, ԱՄՆ-ի, Մալազիայի, ՄԱԷ-ի, ԻԻՀ և այլ տեղական արտադրողներից, որոնք մեծ հեղինակություն են վայելում արդյունաբերական քիմիայի ոլորտում:
Տարածեք հայտարարությունը սոցիալական ցանցերում
