Խորհրդատու-վաճառող (ուղղությունը՝ շինանյութ/լիստեր/կահույք/տեխնիկա)
Domus
Նկարագրություն
«ԴՈՄՈՒՍ» Ընկերությունն աշխատանքի է հրավիրում խորհրդատու-վաճառողների իր մեծ թիմին միանալու համար։
Պարտականություններ
- Իրականացնել խորհրդատվություն խանութում վաճառվող ապրանքների տեսականու, դրանց սպառողական հատկանիշների և առանձնահատկությունների վերաբերյալ, օգնել գնորդին ապրանքի ընտրության հարցում,
- Պահպանել Ընկերության կողմից սահմանված սպասարկման ստանդարտները՝ ապահովելով պատշաճ սպասարկում,
- Հետևել ապրանքների պահանջվող քանակի առկայությանը համապատասխան բաժնում,
- Հետևել գնապիտակների առկայությանը, դրանց ճիշտ դասավորվածությանը,
- Մասնակցել ընկերության կողմից կազմակերպված դասընթացներին՝ բարելավով վաճառքի և սպասարկման հմտությունները։
Պահանջվող
- Բարձրագույն կամ միջին մասնագիտական կրթություն,
- Վաճառքի/սպասարկման ոլորտում աշխատանքային փորձը ցանկալի է,
- Հայերենի գերազանց իմացություն, այլ լեզուների իմացությունը կդիտվի որպես առավելություն,
- Համակարգչային գիտելիքներ, 1C ծրագրի իմացությունը կդիտվի որպես առավելություն,
- Հաղորդակցման զարգացած հմտություններ,
- Պատասխանատվության բարձր զգացում,
- Թիմում աշխատելու ունակություն,
- Սովորելու ցանկություն։
Հավելյալ նշումներ
Աշխատանքային գրաֆիկը՝ 6-օրյա աշխատանքային շաբաթ, ժամերը՝ 9։30-19։00:
Դոմուս խանութ-սրահների ցանցն իր ֆորմատի մեջ միակն է Հայաստանում, քանի որ առաջարկում է ձեռք բերել վերանորոգման, կահավորման, ինչպես նաև կահույքի պատրաստման համար նախատեսված ամեն ինչ մեկ վայրից։ Դոմուսում առկա է այն ամենը, ինչը հնարավորություն կտա ստեղծել գեղեցիկ տուն՝ հարմար բյուջեով։ Դոմուսի առաքելությունն է տան բարեկարգումը դարձնել հեշտ, հարմար և հաճելի։ Դոմուսն առաջարկում է մատչելի գին ավելի քան 50 000 ապրանքատեսակների համար։
2022 թվականից սկսած Դոմուս խանութ-սրահների ցանցը ներկայանում է միանգամայն նոր կոնցեպտով և գնման նոր ձևաչափով. DIY, Do It Yourself, եվրոպական առաջատար ընկերությունների փորձը առաջին անգամ հսկայական ապրանքախմբով և մասշտաբներով ներկայացնում է Դոմուսը: Գնման այս նոր ձևաչափով Դոմուսը կենտրոնացնում է ապրանքները, որպեսզի Դուք կարողանաք լիարժեք կենտրոնանալ ձեր գնումների վրա:
Ընկերության նպատակն է ձևավորել գործունեության առավել զարգացած համակարգ` հիմնվելով եվրոպական առաջատար ընկերությունների լավագույն փորձի և սեփական տեսլականի վրա։
Գործունեության մի քանի տարիների ընթացքում Դոմուս խանութ-սրահների ցանցը հասցրել է վայելել բարձր հեղինակություն՝ բավարարելով վերանորոգման և կահավորման շուկայի բոլոր պահանջները։ Այդ տարիների ընթացքում մենք ձգտել ենք առավելագույնս զարգացնել գործունեության ոլորտը Հայաստանում և այսօր ունենք շոշափելի արդյունք. 7 հիպերմարկետ Երևանում և 5-ը՝ մարզերում, հանդիսանում ենք մի շարք համաշխարհային բրենդների պաշտոնական ներկայացուցիչը Հայաստանում:
Apply by email
Apply for this job via email. copy and send your application send to the following address
Spread the word! Share this job on social media
