Տեխնիկական աջակցման մասնագետ
Ucom
Նկարագրություն
Ucom ընկերության կարևորագույն նպատակներից է ժամանակակից նորարարությունները հասանելի դարձնել մեր հաճախորդներին: Կիրառելով գերժամանակակից տեխնոլոգիաներն ու ինովացիաները` մենք ձգտում ենք ստեղծել ապագայի ծառայությունները:
Մենք փնտրում ենք ակտիվ և հաճախորդակենտրոն մեր նոր թիմակցին, տեխնիկական աջակցման թիմին միանալու համար:
Տեխնիկական աջակցման մասնագետը պետք է զանգերի կամ էլեկտրոնային նամակակագրության միջոցով աջակցի բաժանորդներին ինտերնետի, հեռուստատեսության, հեռախոսների, սարքավորումների հետ կապված հարցերի դեպքում, պատրաստակամ լինի օգնել հաճախորդին ոչ միայն տեխնիկական, այլ նաև ընդհանուր հարցերի առաջացման պարագայում:
Պարտականություններ
- Արդյունավետ և ժամանակին հեռախոսով պատասխանել բաժանորդների տեխնիկական բնույթի հարցերին,
- Բացահայտել և լուծել տեխնիկական խնդիրները կապված IPTV, VOIP, FTTH և Mobile Broadband տեխնոլոգիաների հետ,
- Հաճախորդներին տրամադրել տեղեկատվություն ինտերնետ ծառայությունների և սակագների վերաբերյալ,
- Լուծել բաժանորդների Յուքոմ ծառայությունների հետ կապված խնդիրները հնարավորինս արագ և կարճ ճանապարհով, կամ, անհրաժեշտության դեպքում` փոխանցել համապատասխան բաժիններ,
- Հետևել բաժանորդի կողմից ներկայացված խնդրի լուծման ընթացքին,
- Ներկայացնել հաշվետվություններ կատարված աշխատանքի և արդյունքների վերաբերյալ անմիջական ղեկավարին:
Պահանջներ
- Բարձրագույն/ թերի բարձրագույն տեխնիկական կրթություն (ուսանողները նույնպես կարող են դիմել),
- Տարրական գիտելիքներ հետևյալ պրոտոկոլների վերաբերյալ՝ IPv4, TCP/UDP, DHCP & ARP,
- Linux/Unix օպերացիոն համակարգերի իմացությունը ցանկալի է,
- Անսարքությունների բացահայտման հմտություններ,
- Տեխնիկական հմտություններ (համակարգչային գիտելիքներ, նոր ծրագրեր արագ սովորելու ունակություններ),
- Բջջային սարքերի ծրագրային և ապարատային իմացություն,
- Հաճախորդների սպասարկման և գրագետ բանավոր հաղորդակցման հմտություններ,
- Հայերենի և ռուսերենի վարժ իմացություն, անգլերենի իմացությունը ցանկալի է,
- Զանգերի կենտրոնում աշխատանքային փորձը ցանկալի է,
- Լարված իրավիճակներում և հերթափոխով աշխատելու կարողություն,
- Թիմում աշխատելու ունակություն:
Հավելյալ նշումներ
Հետաքրքրված անձինք կարող են ուղարկել իրենց ինքնակենսագրությունները վերոնշյալ էլ. հասցեին՝վերնագրի դաշտում նշելով “Տեխնիկական աջակցման մասնագետ”: