Պահեստի աշխատակից
"Nor Tun" chain store
Նկարագրություն
«Նոր Տուն» խանութ-սրահների ցանցը հրավիրում է աշխատանքի պահեստի աշխատակիցների։
Հասցե՝ Արշակունյաց 57/16:
Պարտականություններ
- Դասավորել ապրանքները պահեստում և սրահում՝ համաձայն ընդունված նորմերի
- Հավաքագրել և բեռնել ապրանքները՝ ըստ անհրաժեշտության
- Փաթեթավորել ապրանքները
Պահանջներ
- Համապատասխան աշխատանքային փորձը ցանկալի է
- Ֆիզիկական աշխատանք կատարելու ունակություն
- Կարգապահության և պատասխանատվության զգացում
- Ծանրաբեռնված պայմաններում աշխատելու ունակություն
Հավելյալ նշումներ
- Կազմակերպությունում աճելու և զարգանալու հնարավորություն
- Կորպորատիվ և ժամանցային միջոցառումներ
- Զեղչային փաթեթներ՝ հատուկ «ԲԱՐՍԻՍ» ընկերության աշխատակիցների համար
Ընկերությունը հիմնադրվել է 1998թ.-ին՝ որպես «Բարս», այնուհետև՝ 2005թ.-ին, վերանվանվել է «Բարսիս»: 1998թ.-ին ընկերությունն ուներ ընդամենը մեկ խանութ, իսկ աշխատակազմը բաղկացած էր 12 հոգուց: Երկարատև աշխատանքի շնորհիվ այժմ «Բարսիս» ընկերության խանութների քանակը հասել է 29-ի, իսկ աշխատակազմը բաղկացած է 700 հոգուց: Ընկերությունը համարվում է ՀՀ խոշոր հարկատուներից մեկը։
Ընկերությունը միաժամանակ զբաղվում է շինարարական ապրանքների ներկրմամբ և վաճառքով. ներկրումը իրականացվում է աշխարհի տարբեր կետերից, մասնավորապես` Եվրոպայից ու Ասիայից: Լինելով մեծածախ և մանրածախ առևտրով զբաղվող ընկերություն` «Բարսիս»-ը համագործակցում է ավելի քան 500 մեծածախ գնորդների ու խանութների հետ ինչպես Երևանում, այնպես էլ Հայաստանի բոլոր մարզերում: Բացի այդ, «Բարսիս» ընկերությունը իրականացնում է երաշխիքային և հետերաշխիքային սպասարկում: Իսկ ընկերության տրամադրության տակ գտնվող հսկայական պահեստային տարածքներն ու լոգիստիկայի զարգացած համակարգն օգնում են առավել արդյունավետ կազմակերպել աշխատանքը:
Հաշվի առնելով շուկայում առկա պահանջարկը՝ ընկերությունը 2009 թ.-ին ստանձնեց մետաղապլաստե և պոլիպրոպիլենային խողովակների արտադրության գործընթացը՝ KALDO ապրանքանիշի ներքո: 2009թ. սեպտեմբերից շահագործման հանձնվեց երկու հոսքագիծ, որոնց վրա արտադրվում են տաք և սառը ջրի համար նախատեսված խողովակներ՝ 16-63 մմ արտաքին տրամագծով: Հաշվի առնելով ժամանակի պահանջները և հաճախորդների բարձր գնահատականը՝ 2012թ. փետրվարից ավելացել է նաև երրորդ հոսքագիծը:
KALDO ապրանքանիշը 2010թ.-ին արժանացել է որակի կառավարման համակարգի ISO 9001:2008 միջազգային ստանդարտին:
Արդեն 2020թ. KALDO ապրանքանիշը կայուն դիրք է գրավում շուկայում, իսկ վաճառված խողովակների ծավալը գերազանցում է 30,000,000 մետրը։
«Նոր Տունը» լրջորեն է մոտենում առաջարկվող ապրանքների ընտրությանը և աշխատում է միջազգային շուկայի առաջատար արտադրողների հետ:
«Նոր Տունը» հանդիսանում է FONDITAL, SQUIRREL, COTTO, STN, Visage, Cersanit, Palitra, FIPAR, ZAMBAITI PARATI, HALCON CERAMICS, ARGENTA, Classen և մի շարք այլ արտադրողների պաշտոնական ներկայացուցիչը ՀՀ-ում:
Ընկերության աշխատանքի ամենակարևոր և հիմնարար պայմանը ապրանքատեսականու որակն է, որը համապատասխանում է հայկական և եվրոպական բոլոր չափանիշներին և հավաստագրված է մի շարք միջազգային սերտիֆիկատներով:
Ընկերության հիմնական նպատակներն են՝* շուկայի համալրումը որակյալ և մրցունակ արտադրանքով,
* մատուցվող ծառայությունների որակի բարձրացումը և դրանց՝ համաշխարհային ստանդարտներին հասցնելու ձգտումը,
* սպասարկման կենտրոնի կողմից համակարգերի պրոֆեսիոնալ նախագծման, մոնտաժման և սպասարկման ապահովումը:
«Նոր Տուն» խանութների ցանցը, կարևորելով իր կողմից առաջարկվող ապրանքների որակը, նաև մեծ ուշադրություն է դարձնում երաշխիքային և հետերաշխիքային սպասարկմանը:
2005թ.-ից սկսած գործում է նաև «Նոր Տուն» լիցենզավորված սպասարկման կենտրոնը (ՀՀ Քաղաքաշինության Նախարարություն, լիցենզիա N 15031 և 15032), որն իրականացնում է ջեռուցման և հովացման համակարգերի նախագծման, նախնական հաշվարկման և մոնտաժման աշխատանքներ, որոնք կատարվում են բարձրակարգ մասնագետների կողմից և ամբողջությամբ ընկերության կողմից ներկրվող որակյալ ապրանքներով: Առաջարկում ենք շինությունների անհատական և կենտրոնացված ջեռուցման, հովացման և ջրամատակարարման ամբողջական համակարգերի նախագծում և տեղադրում:
Սպասարկման կենտրոնի մասնագետները կառաջարկեն Ձեր բնակարանին համապատասխան օպտիմալ և յուրօրինակ լուծումներ: Աշխատանքները իրականացվում են ամենասեղմ ժամկետներում, քանի որ մենք թանկ ենք գնահատում պատվիրատուի ժամանակը, իսկ մոնտաժման բոլոր աշխատանքների համար կատարվում է երաշխիքային և հետերաշխիքային սպասարկում:
Apply by email
Apply for this job via email. copy and send your application send to the following address
Spread the word! Share this job on social media
