
Հաշվապահական խմբի ղեկավար
Parvanyan Consulting LLC
Նկարագրություն
«Փարվանյան Քոնսալթինգ» խորհրդատվական ընկերությունը աշխատանքի է հրավիրում հաշվապահական թիմի ղեկավարի։
«Փարվանյան Քոնսալթինգ» ընկերությունն իր գործունեության 11 տարիների ընթացքում հասցրել է ունենալ մեծ ձեռքբերումներ և վստահելի գործընկերներ ոչ միայն հայաստանյան, այլ միջազգային շուկաներում և եթե Դուք փնտրում եք աշխատանք, որը կտա Ձեզ մեծ հնարավորություններ և արտոնություններ ապա կարող եք դիմել հենց Փարվանյան Քոնսալթինգ։
- Հաշվապահական խմբի ղեկավարը հանդիսանալու է կառավարման խորհրդի անդամ;
- Հաշվապահական խմբի ղեկավարը օգտվելու է մասնագիտական ապահովագրության, վերահսկողության և պատասխանատվության հստակ ձևավորված համակարգերից;
- Հաշվապահական խմբի ղեկավարները մշտապես ունեն ընկերության ֆինանսավորմամբ մասնագիտական կարողությունների զարգացման հնարավորություն;
- Հաշվապահական խմբի ղեկավարները ըստ աշխատանքի ծանրաբեռնվածության ստանում են եռամսյակային բոնուսներ;
- Փորձագետի հաշվապահի որակավորում ունեցող խմբի ղեկավարները անկախ աշխատավարձից և բոնուսներից կստանան նաև խրախուսանքներ;
- Հաշվապահական խմբի ղեկավարների համար մշակվում է նաև օպցիոնի պայմանագիր;
- Ընկերությունը աշխատակիցներին տրամադրում է նաև հավելյալ վճարովի արձակուրդի օրեր:
Պարտականություններ
- Հարկային, ինչպես նաև հաշվապահական հաշվառման վարում՝ ՀՀ օրենսդրության և ՖՀՄՍ-ների համաձայն;
- Հարկային (ԱԱՀ, ակցիզային հարկ, եկամտային հարկ, շրջանառության հարկ, շահութահարկ), ֆինանսական և վիճակագրական հաշվետվությունների պատրաստում և ներկայացում;
- Հաշվապահական խմբի աշխատանքների կազմակերպում և վերահսկում, հանձնարարականների ներկայացում, ժամկետների սահմանում և կոորդինացում;
- Գործընկերների հետ մշտական հաղորդակցության ապահովում, սպասարկման որակի ապահովման աշխատանքների իրականացում;
- Գործընկերներին հարկային, ինչպես նաև ընթացիկ աշխատանքների հետ կապված խորհրդատվության տրամադրում;
- Գործընկերների հարկային կամ այլ ստուգման գործընթացներին մասնակցության ապահովում;
- Գործառնական ծրագրերում (ՀԾ, e-invoicing և այլն) կատարված գրանցումների պարբերական մոնիթորինգ, ըստ անհրաժեշտության՝ ստուգումների և ուղղումների կատարում;
- Ըստ անհրաժեշտության գործառնական ծրագրերում (ՀԾ, e-invoicing և այլն) գրանցումների կատարում;
- Շահութահարկի ամենամսյա կանխատեսումների իրականացում և ներկայացում Գործընկերներին;
- Ըստ անհրաժեշտության համաձայնեցված ձևաչափով և պարբերականությամբ գործընկեր կազմակրեպություններին հաշվետվությունների ներկայացում;
- Բանկերի, պետական մարմինների և Գործընկերների հետ աշխատանքի համակարգում և կոորդինացում;
- Ընկերության այլ ստորաբաժանումների հետ համագործակցություն, ինչպես նաև իր կողմից վերջիններիս փոխանցված առաջադրանքների կատարման սահմանված ժամկետների վերահսկում;
- Հեռավար աշխատակիցների ներգրավվածության բարձրացում, աշխատանքի կոորդինացում և վերահսկում, արդյունավետության գնահատում և ներկայացում
- Ըստ անհրաժեշտության՝ ընթացիկ հարցերի քննարկում թիմի անդամների, ինչպես նաև Գործընկերների հետ:
Պահանջներ
- Բարձրագույն կրթություն տնտեսագիտության, ֆինանսների կամ հաշվապահության ոլորտում;
- 3+ տարիների մասնագիտական աշխատանքային փորձ;
- ՀՀ հարկային օրենսդրության իդեալական իմացություն;
- ՀԾ հաշվապահական ծրագրի իմացություն MS Office փաթեթի, մասնավորապես Excel ծրագրի լավ իմացություն;
- Արագ կողմնորոշվելու, հաճախորդների հետ հաղորդակցվելու հմտություն;
- Թիմում աշխատելու ունակություն;
- Ռուսերեն կամ անգլերեն լեզուների իմացություն:
Հավելյալ նշումներ
Հետաքրքրված անձինք, որոնք ունեն համապատասխան փորձ և որակավորում, կարող են ուղարկել իրենց ինքնակենսագրականը մինչ վերջնաժամկետի ավարտը նամակի վերնագրում նշելով հաստիքի անվանումը ("Հաշվապահական Թիմի Ղեկավար"):