Հաշվապահ

Նկարագրություն

Հաշվապահն իրականացնում է հարկային և հաշվապահական խորհրդատվություն և ներկայացուցչություն՝ ղեկավարվելով ինչպես Հաճախորդի, այնպես էլ ընկերության շահերով, պահպանելով կորպորատիվ և աշխատանքային կարգապահությունն ու էթիկայի կանոնները:

Հաշվապահն իրականացնում է իր աշխատանքային պարտականությունները Ընկերության Գործադիր Տնօրենի և/կամ Հաշվապահական հաշվառման և խորհրդատվական ծառայության ղեկավարի ենթակայության և վերահսկողության ներքո:

Պարտականություններ

• Հաճախորդների հաշվապահական ամենօրյա գործարքների ձևակերպում և գործառնությունների կատարում;
• Սկզբնական հաշվապահական փաստաթղթերի պատրաստում և հիմնավորող փաստաթղթերի վերահսկում;
• Դրամական մուտքերի ու վճարումների, դրամարկղի վարման կազմակերպում և վերահսկում;
• Հաճախորդների բանկային հաշիվներին առնչվող գործարքների համար անհրաժեշտ բոլոր փաստաթղթերի պատրաստում և բանկային գործարքների իրականացում;
• Հաճախորդների նյութական արժեքների, հիմնական միջոցների հաշվառման վարում և վերահսկում;
• Հաճախորդների համապատասխան ամսական, եռամսյակային և տարեկան հաշվետվությունների կազմում և ներկայացում ՀՀ պետական մարմիններին;
• Ժամանակին և պատշաճ կերպով ֆինանսական և ներքին կառավարչական հաշվետվությունների պատրաստում և ներկայացում ՀՀ և Միջազգային հաշվապահական ստանդարտների վերաբերյալ խորհրդատվության տրամադրում;
• Հաճախորդների կողմից պետական և հարկային մարմիններին վճարվելիք հարկերի, տուրքերի ու վճարների հաշվարկում և վճարում;
• Աշխատանքային փաստաթղթավորման անթերի վարում;
• Ավագ Հաշվապահի կողմից տրված հանձնարարությունների անթերի կատարում և համապատասխան հաշվետվությունների կազմում ու ներկայացում:
• Ընկերության նոր ծառայությունների ու գործարար զարգացման գործում օժանդակություն;
• Հաշվապահական խմբի ղեկավարում, ներառյալ` անհրաժեշտության դեպքում ծրագրում ներգրավված մյուս հաշվապահների, օգնականների, խորհրդատուների ղեկավարում;
• Անհրաժեշտության դեպքում, ծրագրում ներգրավված հաշվապահներին, խորհրդատուներին և օգնականներին աջակության ցուցաբերում;
• Ոչ փորձառու աշխատակիցների ղեկավարում և նրանց ներգրավում ընկերության զարգացման գործում;
• Տվյալների կուտակման և վերլուծության մեթոդների, եզրակացությունների և առաջարկությունների մշակում;
• Առաջարկների, հաշվետվությունների ու ներկայացման նյութերի պատրաստում;
• Այլ պարտականություններ, որոնք կարող են պահանջվել Ընկերության կողմից և/կամ անհրաժեշտ լինել Ընկերության կողմից նախաձեռնված ծրագրերի հաջող իրականացման համար:

Պահանջներ

• Բարձրագույն կրթություն ինժեներության/կոմերցիայի/տնտեսագիտության ոլորտներում,
• Հետբուհական կրթություն՝ գործարար կառավարման մագիստրոս (MBA) կամ որակավորված հաշվապահ (CA),
• Առնվազն երկու տարվա աշխատանքային փորձ խորհրդատվական ծառայությունների մատուցման ոլորտում կամ առնվազն երեք տարվա փորձ հարակից ոլորտներում,
• Ծառայության առնվազն երկու ուղղության հիմնարար գործառնական գիտելիքներ՝ այլ հանձնառնություններում պարբերաբար մասնակցելու համար,
• Բանավոր հաղորդակցման և հաշվետվությունների պատրաստման գերազանց հմտություններ,
• Միաժամանակ մի քանի ծրագրերի վրա աշխատելու ունակություն,
• Հաճախորդների և գործընկերների տարբեր խմբերի հետ արդյունավետ համագործակցելու հմտություններ,
• Համակարգչային գերազանց գիտելիքներ (Excel, PowerPoint և MS-Word),
• Բարձր մոտիվացիա, նվիրվածություն, նախաձեռնողականություն և փոփոխվող գերակայությունների պայմաններում աշխատելու ունակություն:

Հավելյալ նշումներ