Իրավաբան
Children of Armenia Fund (COAF)
ՔՈ ԴԵՐԸ
Եթե դու փորձառու իրավաբան ես, ով սիրում է իրավաբանությունը և պատրաստ է նպաստել հիմնադրամի իրավական հիմնախնդիրների լուծմանը, ապա ՔՈԱՖ-ում («Հայաստանի մանուկներ» բարեգործական հիմնադրամ) ամբողջական դրույքով Իրավաբանի դերը հենց քեզ համար է։ Առավել մանրամասն․
ՔՈ ԹԻՄԸ
Դու կմիանաս ՔՈԱՖ-ի թիմին և կաշխատես գործառնությունների գծով ղեկավարի և գլխավոր իրավախորհրդատուի անմիջական առաջնորդությամբ։
Պայմանագրերի և այլ իրավական փաստաթղթերի մշակում և վերահսկում (40%)
- Մշակել հիմնադրամի և գործընկեր կազմակերպությունների հետ կնքվող քաղաքացիրավական /կապալ, ծառայությունների մատուցում, գույքի օտարում և այլն/ և այլ բնույթի պայմանագրերը:
- Մշակել հիմնադրամի իրավական բնույթի փաստաթղթերը, իրականացնել իրավական վերլուծություններ, ապահովել իրավական կարծիքի տրամադրումը տարբեր փաստաթղթերի վերաբերյալ։
- Պատրաստել հիմնադրամի հոգաբարձուների խորհրդի նիստերի աշխատանքների հետ կապված փաստաթղթերը, իրականացնել նիստերի հետ կապված փաստաթղթաշրջանառությունը։
- Ապահովել ՀՀ Կառավարության բարեգործական ծրագրերը համակարգող խորհրդատվական հանձնաժողով /ԿԲԾԽՀՀ/ ներկայացվող որոշումների նախագծերի մշակումը և հարկազատման ենթակա հարակից գործարքների ներկայացումը։
- Հետևել պայմանագրերի ընթացքին, ապահովել Հիմնադրամի կողմից կնքված պայմանագրերի վերաբերյալ համապատասխան բազայի վարումը, պայմանագրերի` սահմանված կարգով հաշվառումը:
- Ապահովել հիմնադրամի կողմից ՀՀ տարածքում շարժական և անշարժ գույքի ձեռքբերման և դրանից բխող այլ անհրաժեշտ գործողությունների ընթացքը, իրականացնել անշարժ գույքի նկատմամբ իրավունքների պետական գրանցում և տրամադրել խորհրդատվություն հողային հարցերով։
- Աջակցել հիմնադրամի աշխատակիցներին պայմանագրերի և այլ իրավական փաստաթղթերի հետ կապված գործընթացներում:
Հաշվետվողականություն, առաջարկների և բարելավումների ներկայացում (30%)
- Վերլուծել իրավական խնդիրները և հարցերը, դրանց հիման վրա ներկայացնել առաջարկներ։
- Վերլուծել և մեկնաբանել իրավական փաստաթղթերը, առաջարկել բարեփոխումներ հիմնադրամի իրավական ոլորտի քաղաքականության վերաբերյալ։
- Ուսումնասիրել օրենսդրական փոփոխությունները և լրացումները, ներկայացնել ղեկավարությանը դրանցից բխող առաջարկներ։
- Ներկայացնել հաշվետվություններ՝ ըստ պահանջի։
Թիմային աշխատանք (30%)
- Համագործակցել թիմի հետ՝ նպաստելով աշխատանքի առաջխաղացմանը և հիմնադրամում աշխատանքի արդյունավետության բարձրացմանը։
- Պահպանել և նոր մոտեցումներ ցուցաբերել թիմում համագործակցության, պատասխանատվության և հաջողության մշակույթի զարգացման համար, (օգնելով նրանց հասնել իրենց առաջադրանքների համար սահմանված վերջնաժամկետներին և KPI-ներին):
ԴՈՒ
Սպասելով քեզանից ավելին՝ մենք ակնկալում ենք, որ․
ԴՈՒ ՏԻՐԱՊԵՏԵՍ
- Իրավաբանության ոլորտին, քանի որ ունես իրավագիտության մասնագիտությամբ բարձրագույն կրթություն և երեք և ավել տարիների աշխատանքային փորձ։
- Հիմնադրամների գործունեության դաշտը կարգավորող օրենսդրությանը («Հիմնադրամների մասին» օրենք, քաղաքացիական օրենսդրություն, հողային օրենսդրություն և այլն)։
- ՀՀ օրենսդրությանը գերազանց։
- Հայերեն և անգլերեն գերազանց:
- Վերլուծական մտածողությանը և որոշումներ կայացնելու հմտություններին:
- Հաղորդակցման և բանակցելու հմտություններին:
- Ժամանակի, թիմի և նախագծերի գերազանց կառավարմանը:
ԴՈՒ ԿԱՐՈՂԱՆԱՍ
- Կարդացածը ճիշտ ըմբռնել և ներկայացնել։
- Հավաքագրել, վերլուծել և կառավարել տեղեկատվությունը։
- Լուծել խնդիրներ և կայացնել որոշում։
- Աշխատել արդյունավետ` կարողանալով լուծել խնդիրները, որոնց պատասխանները միշտ չէ, որ ակնհայտ են:
- Արագ կողմնորոշվել տարբեր իրավիճակներում։
ԴՈՒ ԼԻՆԵՍ
- Նախաձեռնող և իրագործող։
- Արդարամիտ և ճկուն՝ առաջարկելու լուծումներ։
- Լավ ունկնդիր։
- Նպատակաուղղված հասնելու արդյունքների։
- Ուշադիր և կարողանաս աշխատել ինքնուրույն։
- Նպատակասլաց, ոգևորված ՔՈԱՖ-ի գործունեությամբ։
- Արդյունավետ հաղորդակցվող ու բանակցող և ունենաս գործընթացները դյուրացնելու գերազանց հմտություններ։
- Ունենաս համագործակցության ու թիմային աշխատանքի, մարդկանց հետ շփվելու, բանակցություններ վարելու միջանձնային հմտություններ։
ՄԵՆՔ
«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:
2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ կրկնօրինակվում է Հայաստանի այլ մարզերում և համայնքներում:
ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։
ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։
ՄԵՆՔ ԱՌԱՋԱՐԿՈՒՄ ԵՆՔ
- Կյանք փոխող աշխատանքային փորձ,
- Աշխատանք, որը կկարևորես ու կսիրես,
- Մրցակցային աշխատավարձ,
- Առողջապահական ապահովագրություն,
- 20 օր վճարվող արձակուրդ և լրացուցիչ վճարվող ազատ ժամեր,
- Մասնագիտական աճի հնարավորություններ,
- Անվճար անգլերենի և/կամ արևելահայերենի դասընթացներ՝ ըստ կարիքի,
- Կատարողականի բոնուս,
- Դրական և ստեղծագործ աշխատանքային միջավայր։
ՍՊԱՍՈՒՄ ԵՆՔ ՔԵԶ
Վերջնաժամկետը 2024թ․ մայիսի 13-ի օրվա ավարտն է։
Կազմակերպությունն ամենօրա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս